صوت الشباب 4-8-2021 كشف المخرج والسيناريست محمد دياب، اليوم الأربعاء، إصابته بمتحور دلتا، أثناء إقامته في ألمانيا، وذلك رغم حصوله على المصل، لافتًا إلى أنه مصاب بالمتحور الجديد منذ أسبوعين.
وكتب محمد دياب، عبر حسابه بموقع التواصل الاجتماعي فيسبوك: « بقالي أسبوعين عندي النسخة الجديدة من كوفيد (دلتا) ورغم اني واخد الفاكسين، إلا أن الحماية من دلتا كانت محدودة في حالتي. أنا متأكد اني لو مكنتش واخد الفاكسين كانت حالتي هتبقى أسوأ بكتير، بس الحقيقة ان الفاكسين اللي اظهرت مناعة ضد المتغيرات الجديدة هي الفاكسيينز صاحبة تكنولوجيا mRna فايزر ومودرنا. والنهاردة ألمانيا عاوزة كل الناس تاخد جرعة منشطة من فايزر أو مودرنا أيًا كان التطعيم اللي خدوه في الأول.
وأضاف محمد دياب: «أنا حبيت أحذر اللي واخد الفاكسين وفاكر إنه مش محتاج ياخد احتياطاته، الموضوع صعب، وأنا بعتبر نفسي من الناس اللي صحتها كويسة واتبهدلت ولو جه لحد كبير في السن هيبقى أصعب بكتير».
ووجّه محمد دياب نصيحة إلى جمهوره قائلًا: «أرجوكوا خدوا بالكوا من نفسكوا، متنسوش تدعولي وتدعو لكل مريض».
